ა) ლაბორატორიის საქმიანობა ძირითადად მოიცავს აკრედიტაციის სფეროთი განსაზღვრულ, ყურძნისა და ყურძნისეული პროდუქტების და სხვა სახის მაღალალკოჰოლური სასმელების ფიზიკურ-ქიმიურ და მიკრობიოლოგიურ გამოცდებს იმ მახასიათებლებზე, რაც შეესაბამება აღნიშნული პროდუქციის სხვადასხვა სასერტიფიკაციო მოთხოვნას (მაგ.: ექსპორტის სერტიფიკატები ევროკავშირის (VI1) და დსთ-ს ქვეყნებში, ადგილობრივი ბაზრისთვის და ა.შ.) ან მოთხოვნებს, რაც უკავშირდება პროდუქციის საწარმოო კონტროლს და ფალსიფიკაციასთან დაკავშირებულ საკითხებს.


ბ) გარდა აღნიშნულისა, ლაბორატორიული საქმიანობა უკავშირდება სხვა აქტიობებსაც, კერძოდ:

    • ალკოჰოლური სასმელების ზოგიერთი სხვა პარამეტრის განსაზღვრა, მათ შორის მიკრობიოლოგიური მახასიათებლების, ინდივიდუალური მოთხოვნის საფუძველზე;
    • ღვინის ორგანოლეპტიკური შეფასება (დეგუსტაცია);
    • მეღვინეობასთან დაკავშირებული ტრენინგები და კონსულტაციები (ღვინის კანონმდებლობა, ღვინის დამუშავება, დაავადებების გამოსწორება და სხვა);
    • ღვინის დაყენებისას პროფესიული დახმარების გაწევა, როგორც მცირე და საშუალო მეწარმეებისათვის, ასევე კერძო პირთათვის (საჭიროების შემთხვევაში ადგილზე ვიზიტით);
    • სამეცნიერო საქმიანობა, რაც მოიცავს საქართველოში გავრცელებული ვაზის ჯიშებისა და მათგან წარმოებული ღვინოების სპეციფიკის შესწავლას, ტექნოლოგიური პროცესების დამუშავებას/გაუმჯობესებას, შესაბამისი მონაცემთა ბაზების შედგენას და ა.შ.;
    • თანამშრომლობა საგანმანათლებლო უწყებებთან (უნივერსიტეტები, პროფესიული მომზადება/გადამზადების ცენტრები), მეღვინეობის მიმართულებით ახალი კადრების მომზადებასთან დაკავშირებით;